„Þrjú töpuð stig“ sagði Guðni Eiríksson, annar þjálfara FH, eftir 1-2 tap gegn Val í Kaplakrika í dag.
Lestu um leikinn: FH 1 - 2 Valur
„Við gerðum á löngum köflum bara ágætlega í þessum leik og fengum svo sannarlega færin til þess að skora. Ég meina mörk breyta leikjum og við nýtum ekki úrvals færi og það, á móti liði eins og Val, maður fær ekkert endalaust af úrvals færum þannig að við hefðum þurft að gera betur þegar við komum okkur í þær stöður“ hélt hann svo áfram.
Nú eru 10 leikir búnir og mótið fyrir skiptingu því rúmlega hálfnað en hvernig meta FHingar þetta mót hingað til?
„Bara á pari. Við erum bara, það sem var lagt upp með hefur gengið upp og við erum á góðum stað í deildinni og erum í undanúrslitum í bikar. Fyrri hlutinn hefur verið góður og þá er mikilvægt að halda vel á spilunum og ekki tapa því sem að búið er að ávinnast.“
Viðtalið má sjá í heild sinni í spilaranum hér að ofan
