Óskar Örn Hauksson, fyrirliði KR, var í skýjunum eftir að hafa tekið við Íslandsmeistarabikarnum eftir 3-2 sigur gegn FH í dag.

„Tilfinningin er engu öðru lík. Þetta er algjört gæsahúðarmoment sem að ég er búinn að bíða eftir lengi. Algjörlega klikkað dæmi." sagði Óskar eftir leik.

Lestu um leikinn: KR 3 -  2 FH

Eins og fyrr segir lauk leiknum með 3-2 sigri KR en FH komst yfir snemma leiks. Eftir það tók KR öll völd á vellinum.

„Við fáum á okkur þetta mark en komum vel tilbaka. Eftir það var þetta bara flottur leikur hjá okkur og það er gott að klára þetta á sigri. Gæti ekki verið betra."

Sigurmark KR kom úr vítaspyrnu sem að Óskar Örn fiskaði. FH-ingar voru vægast sagt ósáttir við dóminn en hvað segir Óskar sjálfur?

„Ég náttúrulega sé þetta ekki. Ég meiði mig allaveganna og er hindraður í skoti. Dómarinn dæmir síðan víti og þar við situr." sagði Óskar um atvikið.

Nánar er rætt við Óskar Örn í spilaranum að ofan.

Tweet

Senda a Facebook Hafdu samband Senda frétt Prenta frétt Frétta leit