„Það er sætt að vinna. Við höfum ekki fengið mörg tækifæri til að fagna í sumar. Það er alltaf gott að vinna leiki. Það er klárt mál.” Segir Jón Þór Hauksson þjálfari ÍA eftir 3-2 endurkomusigur á ÍBV.
Lestu um leikinn: ÍA 3 - 2 ÍBV
Sigurinn gerði lítið sem ekkert fyrir ÍA sem eru ennþá svo gott sem fallnir.
„Við erum staðráðnir í því að klára tímabilið með krafti. Það er mikilvægt bæði fyrir okkur sem einstaklinga og fyrir félagið. Ég er ánægður með vikuna og undirbúninginn. Leikmenn héldu fókus og við sýndum það í dag.”
ÍA lenti 2-0 undir en snéru þessu við og tóku stigin þrjú.
„Þetta var skrýtinn leikur. Þeir skora snemma en við áttum færi og vorum betri aðilinn í fyrri hálfleik en vorum samt undir. Við vildum finpússa ákveðna hluti. Í 2-0 gerum við breytingar bæði mannabreytingar og taktískar. Við fengum neistann sem við þurftum við fyrsta markið.”
Stórveldið á Akranesi spilar í næst efstu deild að ári en liðið hefur ekki sýnt nægilegan stöðugleika seinustu ár.
„Við þurfum að skoða ákveðna hluti hjá okkur. Við föllum reglulega. Á 5 ára millibili kemur dýfa hjá okkur. Það er saga okkar á þessari öld. Við þurfum að skoða það verulega sem félag.”
Viðtalið er i heild sinni hér að ofan.
