Jurgen Klopp, stjóri Liverpool, hefur upplýst stuðningsmenn félagsins að það sé allt í lagi með varnarmanninn Joe Gomez. „Það er meira en allt í lagi með hann," sagði Klopp.
Gomez lenti upp á kant við Raheem Sterling, leikmann Manchester City, í síðasta landsliðverkefni. Sterling reyndi að taka Gomez hálstaki í mötuneyti landsliðsins.
Gomez og Sterling lenti fyrst saman undir lok leiks Liverpool og City, sem endaði með 3-1 sigri fyrir Liverpool, fyrir landsleikjahlé. Tapið sat eitthvað í Sterling því hann missti þá stjórn á skapi sínu gagnvart Gomez er þeir mættu í landsliðsverkefnið.
Sterling spilaði í kjölfarið ekki gegn Svartfjallalandi, en Gomez kom inn á sem varamaður í leiknum. Þegar hann kom inn á heyrðist baul í stúkunni á Wembley. Sterling kom Gomez til varnar eftir leikinn.
Gomez, sem er 22 ára, spilaði ekki næsta leik gegn Kosóvó vegna meiðsla.
Klopp var spurður út í stöðuna á Gomez á blaðamannafundi í dag. Liverpool mætir Crystal Palace í ensku úrvalsdeildinni á morgun.
„Það var fljótt allt í lagi með þá sem áttu hluti í þessu máli. Svona gerist í fótbolta," sagði Klopp.
Pep Guardiola, stjóri Manchester City, svaraði líka spurningum um málið á fréttamannafundi.
„Ég talaði við hann (Sterling) og það er allt í fína. Hann er stórkostlegur náungi. Hann sagði mér að Joe væri mjög fínn náungi og þeir ættu gott samband," sagði Guardiola.
Athugasemdir