Real Sociedad og Villarreal tókust á í fyrsta leik helgarinnar í efstu deild spænska boltans, í leik þar sem heimamenn í San Sebastián þurftu sigur í Evrópubaráttunni.

Fyrri hálfleikurinn var nokkuð jafn en Santi Comesana tókst að setja boltann í netið til að taka forystuna fyrir Villarreal og var staðan 0-1 í leikhlé.

Comesana tvöfaldaði forystuna í síðari hálfleik og skiptu heimamenn í Villarreal um gír í kjölfarið.

Þeir fengu mikið af færum en tókst ekki að minnka muninn fyrr en undir lokin, þegar Mikel Merino skoraði á 86. mínútu.

Lokamínúturnar voru gríðarlega spennnadi, þar sem heimamenn sóttu í sig veðrið en fengu mark á sig eftir skyndisókn seint í uppbótartímanum. Norðmaðurinn Alexander Sörloth skoraði þá til að innsigla sigur Villarreal.

Villarreal er í neðri hluta deildarinnar, með 29 stig eftir 26 umferðir, en siglir þó lygnan sjó heilum tólf stigum fyrir ofan fallsvæðið.