23.09.19 - 17:00
Magnús Már Einarsson
Kristján Guðmunds ætlar að halda áfram með Stjörnuna
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Kristján Guðmundsson ætlar að halda áfram sem þjálfari kvennaliðs Stjörnunnar. Þetta sagði hann í viðtali við Fótbolta.net eftir 3-1 sigur á KR um helgina.
„Við erum bara rétt að byrja samstarfið," sagði Kristján í viðtali eftir sigurinn gegn KR í lokaumferðinni á laugardag.
„Það verður hrikalega spennandi framtíð hér. Ég verð áfram. Það eru spennandi tilkynningar framundan hjá Stjörnunni."
Ungt lið Stjörnunnar endaði í 5. sæti deildarinnar í sumar með 23 stig eftir að hafa á tímabili verið nálægt fallsvæðinu.
Kristján var að klára sitt fyrsta tímabil með Stjörnuna en hann kom til félagsins eftir að hafa þar áður þjálfað karlalið ÍBV í tvö ár.
Kristján er reyndur þjálfari en hann hefur meðal annars stýrt karlaliðum Vals, Keflavíkur og Leiknis R. á ferlinum.
„Það verður hrikalega spennandi framtíð hér. Ég verð áfram. Það eru spennandi tilkynningar framundan hjá Stjörnunni."
Ungt lið Stjörnunnar endaði í 5. sæti deildarinnar í sumar með 23 stig eftir að hafa á tímabili verið nálægt fallsvæðinu.
Kristján var að klára sitt fyrsta tímabil með Stjörnuna en hann kom til félagsins eftir að hafa þar áður þjálfað karlalið ÍBV í tvö ár.
Kristján er reyndur þjálfari en hann hefur meðal annars stýrt karlaliðum Vals, Keflavíkur og Leiknis R. á ferlinum.
