Úr leik í efstu deild kvenna síðasta sumar.
Núna áðan var haldinn kynningarfundur fyrir efstu deildir Íslands í fótbolta. Þar var kynnt nýtt vörumerki deildana.
Íslenski fótboltinn fer sömu leið og verið er að fara um allan heim. Deildin fær nýtt nafn til frambúðar sem ekki verður tengt styrktaraðila. Líkt og þekkist með Premier League á Englandi, Eliteserien í Noregi og Superliga í Danmörku svo dæmi séu tekin.
Nýja nafn efstu deilda er Besta deildin. Besta deild karla hefst í apríl og Besta deild kvenna hefst í maí.
Á ársþingi KSÍ á laugardag verður svo staðfest breytt fyrirkomulag á efstu deild karla. Í stað 22 umferða verða leiknar 27 umferðir - fyrst 22 umferðir og svo einföld umferð í efra umspili (efstu sex liðin) og neðra umspili (neðstu sex liðin).
Hér fyrir neðan má sjá kynningarmyndband sem var gefið út á fundinum áðan. Þar má meðal annars sjá hvernig grafíkin kemur til með að líta út í tengslum við Bestu deildirnar.
Athugasemdir
