Evrópa í dag - Stórliðin þurfa sigra

Í efstu deild á Ítalíu eiga Albert Guðmundsson og félagar í Genoa heimaleik gegn Udinese. Sigur í kvöld gæti kveikt í vonarneista hjá nýliðunum um að geta blandað sér í baráttuna um síðasta Evrópusætið.

Sassuolo og Empoli eigast einnig við í fallbaráttuslag áður en botnlið Salernitana tekur á móti Monza, sem getur gert tilraun til að blanda sér í baráttu um Evrópusæti með sigri.

Í spænska boltanum eru einnig þrír leikir á dagskrá, þar sem Barcelona tekur á móti Getafe í fyrsta leik dagsins. Börsungar geta klifrað yfir spútnik lið Girona og upp í annað sæti deildarinnar með sigri, en Girona mun þá eiga leik til góða.

Alavés og Mallorca eigast svo við í neðri hlutanum áður en botnlið Almeria, sem er án sigurs eftir 25 umferðir af deildartímabilinu, tekur á móti lærisveinum Diego Simeone í Atlético Madrid. Atletico er í fjórða sæti sem stendur en getur misst það frá sér takist liðinu ekki að sigra í kvöld.

Að lokum er komið að þýska boltanum þar sem FC Bayern þarf nauðsynlega sigur á heimavelli gegn RB Leipzig eftir hörmulegt gengi í síðustu leikjum.

Bæjarar eru ellefu stigum á eftir toppliði Bayer Leverkusen og geta því minnkað bilið niður í átta stig með sigri í dag.

Stuttgart situr í þriðja sæti og getur minnkað bilið á milli sín og Bayern niður í eitt stig með sigri, en Bayern er með leik til góða.

Serie A:
14:00 Sassuolo - Empoli
17:00 Salernitana - Monza
19:45 Genoa - Udinese

La Liga:
15:15 Barcelona - Getafe
17:30 Alaves - Mallorca
20:00 Almeria - Atletico Madrid

Bundesliga:
14:30 Union Berlin - Heidenheim
14:30 M'Gladbach - Bochum
14:30 Werder Bremen - Darmstadt
14:30 Stuttgart - Köln
17:30 Bayern - RB Leipzig