Cristiano Ronaldo, stórstjarna Juventus.
Cristiano Ronaldo, einn besti fótboltamaður allra tíma, hafnaði stóru tilboði frá stjórnvöldum í Sádí-Arabíu um að gerast andlit ferðamannaiðnaðarins þar í landi.
Telegraph segir frá þessu en einnig er talið að Lionel Messi, leikmaður Barcelona, hafi hafnað álíka tilboði.
Ef Ronaldo hefði tekið tilboðinu þá hefði hann fengið 6 milljónir evra á ári fyrir að ferðast til landsins og þá yrði andlit hans notað í alls konar auglýsingum tengdum landinu.
Sádí-Arabía er að reyna að auka ferðamannastrauminn til landsins. Mannréttindamál í Sádí-Arabíu hafa verið gagnrýnd og á vefsíðu Íslandsdeildar mannréttindasamtakana Amnesty International er heil síða um Sádí-Arabíu. Þar segir: „Tjáningar-, funda-, og félagafrelsið er verulega skert í Sádi-Arabíu. Stjórnvöld hafa lokað öllum óháðum mannréttindasamtökum í landinu frá árinu 2013. Yfirvöld leyfa heldur ekki stjórnmálaflokka eða stéttarfélög. Allar samkomur, þar á meðal friðsamleg mótmæli, hafa verið bannaðar frá árinu 2011."
Lionel Messi.
Athugasemdir
