Umboðsmaður Lukaku fundaði með Inter

Antonio Conte, nýráðinn þjálfari Inter, er mikill aðdáandi leikmannsins og virðist ætla að gera allt til þess að fá hann í sínar raðir.

Federico Pastorello, umboðsmaður Belgans, hitti í dag stjórnarmenn Inter í höfuðstöðvum félagsins og staðfesti þar að Inter væri áhugasamt um leikmanninn.

„Það er hægt að staðfesta það að Inter hefur áhuga á leikmanninum," sagði Pastorello við blaðamann.

Hann bætti því einnig við að Lukaku hafi tjáð honum hvað hann vildi að yrði næsta skref á ferli sínum.