„Þetta voru mikilvæg þrjú stig því við viljum halda okkur frá botnsvæðinu í deildinnni. Góður heimasigur og góð frammistaða á heimavelli," sagði Joey Gibbs framherji Keflavíkur eftir 2 - 0 sigur á Breiðabliki í kvöld.

Lestu um leikinn: Keflavík 2 -  0 Breiðablik

„Vindurinn hefur mikil áhrif á leiki og í fyrri hálfleik lékum við á móti honum. Breiðablik er gott fótboltalið fyrir og því var erfitt fyrir okkur að komast áfram. En það var gott að vera marki yfir í hálfleik," sagði hann.

Gibbs skoraði fyrra mark Keflavíkur í kvöld. Markið skoraði hann í lok fyrri hálfleiksins eftir klaufaskap í vörn Blika þegar Anton Ari Einarsson gaf stutt á Viktor Örn Margeirsson sem gáði ekki að sér og Joey hirti boltann og lagði í markið. En segðu okkur frá markinu?

„Við vorum að reyna að pressa hátt á þá þó við höfum legið til baka á kafla. Það var gaman að fá það verðlaunað að pressa á þá því þegar maður er framherji leggur maður hart að sér og það var gaman að ná marki úr pressunni."

Nánar er rætt við hann í spilaranum að ofan en hann er kominn með átta mörk í sumar og segjst ætla að stefna á gullskóinn.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit