Heiðdís getur spilað með Benfica á laugardag
Heiðdís Lillýardóttir er komin með leikheimild með portúgalska stórliðinu Benfica tæpum mánuði frá því hún samdi við félagið.
Heiðdís kom til Benfica á láni frá Breiðabliki undir lok síðasta árs en hefur ekki mátt spila með liðinu þar sem það tók óralangan tíma að fá leikheimild.
Það er nú klappað og klárt og getur hún spilað næsta deildarleik liðsins gegn Maritimo á laugardag.
Heiðdís hefur síðustu fimm tímabil verið í lykilhlutverki í liði Breiðabliks en þar áður spilaði hún með Selfossi og Hetti á Egilsstöðum.
Hún á þá 19 landsleiki og 2 mörk fyrir yngri landslið Íslands.
Athugasemdir
