Portúgalski þjálfarinn Jose Mourinho skrifaði sig í sögubækurnar í gær er Roma lagði Feyenoord að velli, 1-0, í úrslitaleik Sambandsdeildar Evrópu.
Nicolo Zaniolo skoraði eina mark leiksins á 32. mínútu leiksins og dugði það til sigurs.
Þetta er fyrsta Evrópukeppnin sem Roma vinnur á vegum UEFA og um leið tókst Mourinho að skrifa sig í sögubækurnar.
Hann er eini þjálfarinn sem hefur unnið allar þrjár Evrópukeppnirnar á ferlinum.
Mourinho vann UEFA-bikarinn með Porto árið 2003 og ári síðar Meistaradeildina á eftirminnilegan hátt. Hann vann þá Meistaradeildina með Inter árið 2010 og svo Evrópudeildina með Manchester United fyrir fimm árum áður en hann fagnaði fimmta Evrópubikarnum í gær. Þess má til gamans geta að þetta var fimmti úrslitaleikur hans í keppnum á vegum UEFA og hefur hann unnið alla.
🚨 𝐑𝐄𝐂𝐎𝐑𝐃 𝐁𝐑𝐄𝐀𝐊𝐄𝐑: José Mourinho has become the first manager in history to win all of the European competitions:
— Football Tweet ⚽ (@Football__Tweet) May 25, 2022
🏆 Champions League
🏆 Europa League
🏆 Europa Conference League#UECL | #UECLfinal pic.twitter.com/hVexFPZdEC
Athugasemdir