SönderjyskE vann í kvöld 1-0 heimasigur á Vejle í dönsku Superliga. Leikurinn var lokaleikurinn í 2. umferð deildarinnar.

Kristófer Ingi Kristinsson var að leika sinn fyrsta leik fyrir SönderjkyskE en hann gekk í raðir félagsins frá franska félaginu Grenoble á dögunum.

Kristófer kom inn á sem varamaður á 77. mínútu og á 80. mínútu skoraði Victor Ekani sigurmarkið fyrir heimamenn eftir fyrirgjöf frá Marc Dal Hende.

SönderjyskE er með fjögur stig eftir fyrstu tvær umferðirnar. Randers, OB, Viborg eru einnig með fjögur stig, jöfn í efsta sæti deildarinnar.