Sjöundu umferð spænsku deildarinnar lauk í dag með fimm leikjum en Barcelona vann Levante 3-0 þar sem spænski táningurinn Ansu Fati skoraði í sínum fyrsta leik eftir tíu mánaða fjarveru.
Ronald Koeman og lærisveinar hans hafa verið gagnrýndir harðlega á þessu tímabili fyrir afleita frammistöðu en það mátti þó sjá bætingu gegn Levante í dag.
Memphis Depay kom Börsungum yfir með marki úr vítaspyrnu á 7. mínútu. Þriðja mark hans í deildini áður en landi hans, Luuk de Jong, gerði annað mörk sjö mínútum síðar.
Ansu Fati hefur verið meiddur síðustu tíu mánuði en hann kom inná sem varamaður á 81. mínútu og þakkaði kærlega fyrir sig í endurkomunni með því að gulltryggja sigurinn undir lok leiks.
Barcelona er í 6. sæti deildarinnar með 12 stig. Liðið hefur unnið þrjá og gert þrjú jafntefli.
Willian Jose gerði bæði mörk Real Betis í 2-0 sigri á Getafe og þá var Mikel Oyarzabal hetja Real Sociedad gegn Elche í 1-0 sigri en hann skoraði mark sitt á 81. mínútu.
Kólumbíski framherjinn Radamel Falcao gekk til liðs við Rayo Vallecano fyrir tímabilið. Hann skoraði þriðja leikinn í röð í 3-1 sigri á Cadiz. Falcao kann vel við sig á Spáni en síðast þegar hann spilaði þar gerði hann 70 mörk í 91 leik með Atlético Madríd.
Úrslit og markaskorarar:
Barcelona 3 - 0 Levante
1-0 Memphis Depay ('7 , víti)
2-0 Luuk de Jong ('14 )
3-0 Ansu Fati ('90 )
Betis 2 - 0 Getafe
1-0 Willian Jose ('14 )
2-0 Willian Jose ('55 )
Mallorca 2 - 3 Osasuna
0-1 Cote ('9 )
1-1 Dani Rodriguez ('11 )
2-1 Fer Nino ('45 )
2-2 Inigo Perez ('58 )
2-3 Javier Martinez Calvo ('88 )
Real Sociedad 1 - 0 Elche
1-0 Mikel Oyarzabal ('81 )
Rayo Vallecano 3 - 1 Cadiz
1-0 Alvaro Garcia ('9 )
1-1 Varazdat Haroyan ('23 )
2-1 Radamel Falcao ('44 )
3-1 Isi Palazon ('87 )
Athugasemdir