Jóhann Berg í leik með íslenska landsliðinu.
Landsliðsmaðurinn Jóhann Berg Guðmundsson átti ógleymanlegan dag.
Hann eignaðist nefnilega annað barn sitt í morgun, son. Hann greinir frá þessu á Instagram.
Svo í kvöld kom hann inn á sem varamaður þegar Burnley vann magnaðan sigur á Aston Villa á heimavelli í ensku úrvalsdeildinni. Burnley var 2-1 undir þegar Jóhann kom inn á, en tókst að vinna leikinn 3-2.
„Sonur minn fæddist í morgun og þrjú stig í kvöld. Þvílíkur dagur sem þetta var," skrifaði Jóhann Berg á Instagram. Hann birti fallega mynd af þeim feðgum sem sjá má hér að neðan.
Athugasemdir
