Brendan Rodgers, stjóri Leicester, segir að félagið sé afar varkárt þegar kemur að miðjumanninum Wilfred Ndidi.

Miðjumaðurinn mikilvæga kom ótrúlega hratt til baka eftir að hafa farið í aðgerð í janúar. Hann þurfti að fara í aðgerð eftir að hafa fengið högg á æfingu. Rodgers sagði þá að Ndidi yrði frá í allt að mánuð, en 12 dögum síðar var hann mættur aftur á fótboltavöllinn.

Eftir að hafa hins vegar spilað í tveimur leikjum þá meiddist hann aftur og hefur hann verið frá síðan í lok janúar.

Rodgers hefur staðfest að hinn 23 ára gamli Ndidi sé byrjaður að æfa aftur og að hann gæti spilað gegn Norwich á föstudag. Hann segir þó að nú sé varkárnislega farið með hann. „Við viljum ekki missa hann," sagði Rodgers.

Leicester er í þriðja sæti ensku úrvalsdeildarinnar með sex stigum meira en Chelsea, sem er í fjórða sæti.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit