Forest fékk í janúar á sig ákæru fyrir brot á fjármálareglum fyrir tímabilið 2022/23. Óháður dómstóll mun dæma í málinu sem verður tekið fyrir í næstu viku, en það er ekki búist við því að dómur falli fyrr en um miðjan apríl.

Fyrr á tímabilinu voru tíu stig tekin af Everton fyrir brot á fjármálareglum. Þeim dómi var svo breytt eftir áfrýjun og voru á endanum sex stig tekin af Everton.

Ef Forest missir stig þá gæti það sagt til um það hvort liðið falli eða halda sér í ensku úrvalsdeildinni. Liðið er sem stendur fjórum stigum frá fallsvæðinu.