Lestu um leikinn: KR 3 -  0 Njarðvík

„Nátturlega svekktur að tapa, en við vissum alveg að við værum að fara spila á móti mjög góðu liði og að þetta yrði erftitt en það sem við getum tekið jákvætt út úr þessu er að við vorum allavega betri í þessum leik en við höfum veirð í síðustu leikjum hjá okkur og við verðum bara að byggja ofan á þetta og halda áfram með þetta í deildina." Sagði Andri Fannar Freysson fyrirliði Njarðvíkur eftir leikinn geng KR í kvöld.

Andri Fannar var í viðtali fyrir leik þar sem hann minntist á það að það væri draumur margra að spila á KR velli og því var ekki úr vegi að spyrja hvernig það var.
„Þetta er bara besti völlur sem ég hef spilað á, ég verð að viðurkenna það."

Það voru eflaust ekki margir fyrir mót sem sáu það fyrir að Njarðvík yrði það lið sem myndi svona langt í bikarnum en sú varð þó raunin, Andri Fannar segist vera stoltur af vegferðinni.
„Við erum nátturlega mjög stoltir, fyrsta skiptið sem að Njarðvík kemst í 8-liða úrstlit og með smá heppni þarna í byrjun þá fengum við þarna ágætis séns til að pota því inn þá hefði þetta kannski verið aðeins öðruvísi leikur þótt að þeir hefðu eflaust alltaf legið á okkur en við erum bara stoltir af því hvernig fór." 

Deildin hefur verið í frjálsu falli hjá Njarðvíkingum eftir að hafa slegið nágranna sína í Keflavík út í 16-liða úrslitum og eftir það hafa Njarðvíkingar tapað 5 leikjum í röð og því ekki úr vegi að spyrja hvort bikarinn hafi haft einhver áhrif á einbeitninguna í deildinni.
„ Ég held ekki en ég vona það samt og vona að við stígum þá upp núna eftir þennan leik og byrjum að safna nokrum stigum í deildinni."

Nánar er rætt við Andra Fannar í spilaranum fyrir ofan.