Lestu um leikinn: Serbía 1 -  3 Ísland

Cecilía Rán Rúnarsdóttir - 6
Hafði ekki mikið að gera í þessum leik en lét vel í sér heyra. Mér fannst hún eiga að gera betur í markinu sem Serbía skorar.

Guðný Árnadóttir - 6
Spilaði fyrri hálfleikinn og var fín varnarlega en svo sem lítið að frétta sóknarlega.

Glódís Perla Viggósdóttir - 6
Fyrirliðinn hefur oft átt betri leiki í hjarta varnarinnar. Fín í fyrri hálfleiknum, en set spurningamerki við hana í markinu sem Serbía skorar.

Ingibjörg Sigurðardóttir - 7
Var best í varnarlínu Íslands í þessum leik, var sérstaklega góð í fyrri hálfleiknum.

Guðrún Arnardóttir - 5
Leit ekki vel út í markinu sem Serbía skorar og var í smá basli. Henni líður ekki best í bakverðinum þó hún hafi spilað þar mikið að undanförnu.

Hildur Antonsdóttir - 6
Skilaði sínu ágætlega inn á miðsvæðinu í dag. Var ekkert rosalega mikið í boltanum en fékk eitt færi í fyrri hálfleik þar sem hún hefði alveg mátt gera betur.

Alexandra Jóhannsdóttir - 7
Gerði frábærlega í fyrsta markinu og setti smá tóninn með því. Var mjög góð í byrjun leiksins.

Sveindís Jane Jónsdóttir - 8
Sýndi alvöru gæði þegar hún skoraði stórkostlegt mark og átti líka góða stoðsendingu í fyrri hálfleik. Var óheppin að gera ekki fleiri mörk. Var svolítið að pirra sig á hlutnum á köflum.

Karólína Lea Vilhjálmsdóttir - 7
Skoraði flott mark og skilaði sínu ágætlega. Þurfum að koma henni enn meira í boltann í góðum stöðum.

Sandra María Jessen - 7
Skoraði gott mark í byrjun leiksins þar sem hún átti gott hlaup. Góð afgreiðsla. Átti í raun að skora annað mark en hitti boltann ekki nægilega vel.

Hlín Eiríksdóttir - 5
Hefur ekki alveg verið að finna sig í síðustu landsleikjum. Það var einu sinni í fyrri hálfleik þar sem hún fékk mikið svæði en fór með boltann út af. Þarf að sýna meira til að halda sæti sínu í liðinu.

Varamenn:
Agla María Albertsdóttir - 6
Sædís Rún Heiðarsdóttir - 6
Diljá Ýr Zomers - 6
Dagný Brynjarsdóttir - 6
Berglind Rós Ágústsdóttir - 6
Amanda Andradóttir - 6

Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur