„Þeir voru bara sterkari en við inn í vítateignum og skora eftir tvær hornspyrnur. Mér fannst við ekki mæta almennilega til leiks. Við vorum að detta, rosalega mikið af feilsendingum, vorum ekki að vinna seinni boltann.
Áttum erfitt með að vinna bolta tvö sem þeir nýttu sér vel og skora á okkur eftir tvær hornspyrnur.
Mér fannst við byrja seinni hálfleikinn ágætlega en þetta fer frá okkur þegar rauða spjaldið kemur", sagði Gunnar Már þjálfari Fjölnis um hvað fór úrskeiðis þegar liðið hans fékk skell á heimavelli 5-0 í leik sem heimamenn sáu aldrei til sólar.
„Rautt spjald, nýr markmaður og fáum á okkur mark á sömu mínútu. Það er erfitt að díla við það. Við náðum ekki að fylgja eftir frábærum leik seinast. Það sem við gerðum virkilega vel þar var að halda í boltann og byggja vel upp sóknirnar en vorum ekki að ná því núna."
Áttum erfitt með að vinna bolta tvö sem þeir nýttu sér vel og skora á okkur eftir tvær hornspyrnur.
Mér fannst við byrja seinni hálfleikinn ágætlega en þetta fer frá okkur þegar rauða spjaldið kemur", sagði Gunnar Már þjálfari Fjölnis um hvað fór úrskeiðis þegar liðið hans fékk skell á heimavelli 5-0 í leik sem heimamenn sáu aldrei til sólar.
„Rautt spjald, nýr markmaður og fáum á okkur mark á sömu mínútu. Það er erfitt að díla við það. Við náðum ekki að fylgja eftir frábærum leik seinast. Það sem við gerðum virkilega vel þar var að halda í boltann og byggja vel upp sóknirnar en vorum ekki að ná því núna."
Lestu um leikinn: Fjölnir 0 - 5 Þór
Varnarleikurinn hjá heimamönnum var langt frá því að vera ásættanlegur í kvöld, og fimmta mark gestanna er gott dæmi um það. Reynir Haraldsson, fyrirliði Fjölnis, reyndi að vippa boltanum yfir Ibrahima Balde — sem misheppnaðist herfilega. Balde sem er 190 cm þakkaði fyrir sig og tók boltann og þaut upp völlinn. Í kjölfarið sendi hann Aron Inga einn í gegn sem kláraði færið, og þar með var niðurlægingin orðin fullkomin.
„Leikurinn er í sjálfu sér farinn frá okkur þar, þannig að ég er ekki að hengja mig á það atriði. Frekar að skoðað það hvernig Ibrahima Balde getur verið frír í hornspyrnum hjá okkur, að engin skuldi dekka hann. Það er alvarlegra og það vantar að einhver stígi upp og taki ábyrgð í föstu leikatriðunum"
Það vakti athygli hversu oft Ibrahima Balde var frír inni í teig Fjölnismanna í kvöld og hafði Gunnar Már þetta að segja:
„Það var ekki lagt upp með að hann fengi allt þetta pláss. Þetta er bara einbeitingarleysi og menn kannski að hengja haus og missa trúna eftir að lenda 3-0 undir og allt það"
Viðtalið má sjá í heild sinni í spilaranum hér að ofan.
Athugasemdir
