Jökull Elísarbetarson þjálfari Stjörnunnar
„Þettta er bara svekkjandi. Mér fannst þetta frekar jafn leikur og þeir reyndar byrjuðu að skapa þegar þeir gerðu þrefalda skiptingu og þeir komu sterkt inn hjá þeim og Kristófer algjörlega á deginum sinum og klárar allt og mér fannst skilja á milli þar." sagði Jökull Elísarbetarson þjálfari Stjörnunnar eftir tapið gegn Breiðablik á Samsungvellinum í Garðabæ í kvöld.
Lestu um leikinn: Stjarnan 1 - 4 Breiðablik
Breiðablik var töluvert sterkari aðilinn fram að markinu hjá Stjörnunni sem kom eftir frábæra skyndisókn. Hvernig fannst þér fyrri hálfleikurinn?
„Hvorki fyrri hálfleikurinn né seinni hálfleikurinn er besti leikurinn sem við höfum spilað það er enginn að halda því fram. Þeir leystu pressuna okkar ágætlega og við vorum ekki að ná að halda henni þannig þeir gerðu vel þar en að sama skapi þá leið okkur bara vel."
„Þeir voru ekki að skapa betri færi en við hinumegin en við getum gert betur en við gerðum í dag það er alveg ljóst og á endanum áttu þeir skilið að vinna og við getum ekki haldið öðru fram."
Breiðablik skorar fjögur mörk á síðustu 25 mínútum leiksins. Hefðu Stjörnumenn geta komið í veg fyrir þessi mörk?
„Já klárlega, við hefðum geta gert það klárlega og svo eru líka mörk sem þeir klína boltanum í netið alveg út við stöng úr frekar löngu færi og bara vel gert hjá þeim. Við getum komið í veg fyrir öll mörk en bara hörkuleikur og þeir áttu skilið að vinna í dag."
Viðtalið við Jökul má sjá í sjónvarpinu hér að ofan.
Athugasemdir
