Newcastle United er búið að ná samkomulagi við Stuttgart um kaup á þýska framherjanum Nick Woltemade, sem hefur verið sterklega orðaður við FC Bayern í allt sumar.
Newcastle greiðir rétt tæplega 70 milljónir punda til að kaupa þennan hávaxna framherja sem er rétt undir 2 metrar á hæð.
Woltemade er 23 ára gamall og hefur verið algjör lykilmaður upp yngri landslið Þýskalands, þar sem hann skoraði 13 mörk í 18 leikjum fyrir U21 liðið. Hann hefur spilað tvo A-landsleiki á árinu.
Woltemade verður með þessum skiptum dýrasti leikmaður í sögu Newcastle og á sama tíma langdýrasti leikmaður til að hafa verið nokkurn tímann seldur frá Stuttgart.
Hann fer í læknisskoðun hjá Newcastle á morgun.
Stuttgart hafnaði nokkrum tilboðum frá FC Bayern í leikmanninn, en hann er mjög spenntur fyrir enska boltanum.
Hann er afar teknískur leikmaður þrátt fyrir mikla hæð, alls ekki ósvipaður Alexander Isak.
Newcastle hefur fylgst með Woltemade í rúmt ár en framherjinn skoraði 17 mörk í 33 leikjum með Stuttgart á síðustu leiktíð.
Stuðningsmenn Liverpool velta nú fyrir sér hvort Isak verði seldur eftir kaupin á Woltemade.
21.08.2025 17:30
Út úr myndinni hjá Bayern
Athugasemdir
