Marc Guehi í baráttu við Mohamed Salah.
Englandsmeistarar Liverpool eru áfram í viðræðum um Marc Guehi, varnarmann Crystal Palace, núna þegar nokkrir dagar eru í að glugginn loki.
Liverpool er tilbúið að borga 30 milljónir punda til að kaupa Guehi sem á eitt ár eftir af samningi sínum við Palace.
Þetta veltur á Palace, hvort þeir geti fundið góðan mann í staðinn fyrir Guehi. Leikmaðurinn hefur nú þegar samþykkt tilboð Liverpool.
Talið er að Liverpool sé bara með augun á Guehi sem stendur og ekki fleiri miðvörðum.
„Hann er besti enski miðvörðurinn í augnablikinu," sagði Clinton Morrison, fyrrum landsliðsmaður Írlands, um Guehi á Sky Sports í gær og bætti við að hann myndi án efa styrkja lið Liverpool.
Athugasemdir
