Spánn tapaði 2-0 gegn Skotlandi á útivelli í undankeppni EM 2024 í gær en David Garcia leikmaður liðsins kvartaði undan aðstæðum eftir leikinn.
Garcia er 29 ára gamall leikmaður Osasuna en hann var að spila sinn fyrsta landsleik í gær.
„Við sáum að það var of mikið gras og það kostaði okkur. Við getum ekki verið með afsakanir, við verðum að líta í eigin barm og laga það sem fór úrskeiðis," sagði Garcia.
Spænska liðið var mun meira með boltann án þess þó að skapa sér nokkuð og sigur Skotlands var sanngjarn.
Athugasemdir
