29.09.20 - 17:59
Ívan Guðjón Baldursson
Saint-Etienne staðfestir sölu á Fofana fyrir metfé
Fofana í baráttu við Neymar.
Mynd: Getty Images
Fofana í baráttu við Neymar.
Mynd: Getty Images
Franska félagið AS Saint-Etienne er búið að samþykkja tilboð frá Leicester City í varnarmanninn unga Wesley Fofana.
Fjölmiðlar telja upphæðina nema 40 milljónum evra í heildina, þar sem Leicester borgar 25 milljónir auk árangurstengdra aukagreiðslna.
Saint-Etienne hefur greint frá því að félagið fær greitt metfé fyrir Fofana. Hann er því dýrari heldur en annar efnilegur miðvörður sem Arsenal keypti af Saint-Etienne, sá heitir William Saliba og kostaði 30 milljónir evra.
Fofana er tvítugur miðvörður sem hefur spilað 29 leiki fyrir Saint-Etienne. Hann ruddi sér leið inn í byrjunarliðið á síðustu leiktíð og hefur verið frábær á nýju tímabili.
Fofana er franskur en á ekki leiki að baki fyrir yngri landsliðin. Hann hefur verið hjá Saint-Etienne síðustu fimm ár en skiptir nú yfir í enska boltann. Hann á aðeins eftir að skrifa undir samning og standast læknisskoðun hjá sínu nýja félagi.
Saint-Etienne hefur greint frá því að félagið fær greitt metfé fyrir Fofana. Hann er því dýrari heldur en annar efnilegur miðvörður sem Arsenal keypti af Saint-Etienne, sá heitir William Saliba og kostaði 30 milljónir evra.
Fofana er tvítugur miðvörður sem hefur spilað 29 leiki fyrir Saint-Etienne. Hann ruddi sér leið inn í byrjunarliðið á síðustu leiktíð og hefur verið frábær á nýju tímabili.
Fofana er franskur en á ekki leiki að baki fyrir yngri landsliðin. Hann hefur verið hjá Saint-Etienne síðustu fimm ár en skiptir nú yfir í enska boltann. Hann á aðeins eftir að skrifa undir samning og standast læknisskoðun hjá sínu nýja félagi.
🔴 L’#ASSE a conclu un accord avec @LCFC, actuel leader de Premier League, pour le transfert de Wesley #Fofana. La décision de céder le joueur pour un montant record a été prise de manière collégiale par le Directoire et les actionnaires.
— AS Saint-Étienne (@ASSEofficiel) September 29, 2020
📝 Lire le communiqué complet 👇
