Ben Chilwell er að glíma við meiðsli.
Chelsea verður mögulega án ellefu leikmanna úr aðalliðshópnum þegar liðið spilar við Fulham í ensku úrvalsdeildinni um helgina.
Vinstri bakvörðurinn Ben Chilwell er á leið í skoðun eftir að hafa meiðst aftan á læri. Hann meiddist í sigri Chelsea gegn Brighton í deildabikarnum fyrr í þessari viku.
Chilwell hefur oft áður meiðst aftan í læri, þar á meðal á síðasta tímabili. Það varð til þess að hann missti af HM í Katar.
Chelsea hefur átt í meiðslavandræðum í upphafi tímabilsins en liðið gæti verið án ellefu leikmanna í næsta leik sínum gegn Fulham.
Nicolas Jackson og Malo Gusto eru í banni í leiknum, en Wesley Fofana, Christopher Nkunku, Romeo Lavia, Trevoh Chalobah, Reece James, Marcus Bettinelli, Carney Chukwuemeka og Benoit Badiashile eru allir á meiðslalistanum ásamt Chilwell.
Chelsea hefur gengið erfiðlega og er aðeins með fimm stig eftir fyrstu sex leikina í ensku úrvalsdeildinni.
Athugasemdir
