Jón Dagur Þorsteinsson spilaði allan leikinn er Århus tapaði fyrir Nordsjælland í efstu deild danska boltans.
Jón Dagur og félagar í AGF voru betri stærsta hluta leiksins en heimamenn í Nordsjælland refsuðu grimmt og nýttu færin sín.
Nordsjælland var komið í tveggja marka forystu eftir þrjár mínútur en AGF náði að minnka muninn. Staðan var svo 2-1 þar til Isaac Atanga innsiglaði sigurinn, en hann skoraði einnig fyrsta mark leiksins.
Þetta var annar tapleikur AGF í röð og er liðið um miðja deild, með 15 stig eftir 10 umferðir. Nordsjælland er með 16 stig.
Nordsjælland 3 - 1 AGF
1-0 I. Atanga ('2)
2-0 K. D. Sulemana ('3)
2-1 P. Mortensen ('10)
3-1 I. Atanga ('58)
Rautt spjald: K. D. Sulemana, Nordsjælland ('77)
Óskar Tor Sverrisson fékk að spila síðasta stundarfjórðunginn er Häcken rúllaði yfir Örebro í efstu deild sænska boltans.
Liðin mættust í næstsíðustu umferð tímabilsins og er þessi sigur gríðarlega mikilvægur fyrir Häcken sem þarf aðeins eitt stig til að tryggja sér sæti í undankeppni Evrópudeildarinnar á næstu leiktíð.
Stigið verður þó ansi torsótt þar sem andstæðingurinn verður fallbaráttulið Kalmar, sem þarf sigur til að bjarga sér.
Häcken 3 - 0 Örebro
0-0 A. Yasin, misnotað víti ('20)
1-0 A. Youssef ('24)
2-0 L. Bengtsson ('37)
3-0 A. Yasin ('44)
Athugasemdir