Jack Grealish, fyrirliði Aston Villa, hefur verið harðlega gagnrýndur á samfélagsmiðlum eftir að myndir birtust af honum við Range Rover bifreið sína.

Útgöngubann er í Bretlandi vegna kórónaveirunnar en Grealish hlustaði ekki á það og skellti sér í partý á laugardagskvöld til Ross McCormack, fyrrum liðsfélaga hjá Aston Villa.

Grealish ku hafa verið á heimleið á bifreið sinni klukkan fjögur um nóttina þegar hann klessti á tvær kyrrstæðar bifreiðar.

Grealish hafði sjálfur birt myndband af samfélagsmiðlum á laugardaginn þar sem hann sagði fólki að virða útgöngubannið og vera heima. Það var áður en hann skellti sér sjálfur í partý.

Margir stuðningsmenn Aston Villa hafa kallað eftir því að Grealish verði sektaður fyrir atvikið og þá hafa aðilar á Twitter óskað eftir því að fyrirliðabandið verði tekið af honum.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit