Fulham á möguleika á að fara beint aftur upp í ensku úrvalsdeildina eftir að hafa fallið úr deild þeirra bestu í fyrra. Liðið mun spila úrslitaleik við Brentford á Wembley um sæti í úrvalsdeildinni.

Fulham tók á móti Cardiff í kvöld eftir 2-0 sigur í fyrri leiknum fyrir viku síðan.

Curtis Nelson kom Cardiff snemma yfir í kvöld en Neeskens Kebano jafnaði fyrir Fulham nokkrum sekúndum síðar. Staðan var 1-1 í hálfleik, en strax í byrjun seinni hálfleiks komst Cardiff í 2-1.

Cardiff komst hins vegar ekki lengra og lokatölur 2-1 fyrir Fulham sem fer á Wembley. Áðurnefndur Neeskens Kebano reyndist ansi drjúgur í þessu einvígi. Ásamt því að skora í kvöld, þá skoraði hann annað markið í 2-0 sigri seint í fyrri leiknum.

Úrslitaleikurinn fer fram næstkomandi þriðjudag. Leeds og West Brom eru þegar komin upp.