Fótbolti.net

Katla: Er alltaf að segja henni að koma og spila með íslenska landsliðinu

Sölvi Geir: Skotmarkið á okkur er stærra og við þurfum að gera meira

Arna Eiríks klár í slaginn: Ekki alveg þessi týpísku meiðsli

Gísli Eyjólfs: Hefði verið rómantík að fá að enda ferlana saman

Spáin kom Sigga á óvart: Eina sem þetta gerir er að henda bensíni á klúbbinn

Haraldur Freyr: Ætlum að ná í sigur í Frostaskjóli

Jói Kalli: Spurning hvort það verði Landeyjahöfn eða Þorlákshöfn

Ísak nýr fyrirliði FH: Var einn af þeim yngri en orðinn einn sá elsti

Kosinn bestur fyrir mót - „Stoltur og pínu kitl að leikmenn kjósi mann"

Hemmi segist elska Brazell - „Alltaf eitthvað blaður og bull“

Álitið - Hver fer í agabann?

Þrjú slit og fimm aðgerðir á milli marka - „Maður er svolítið eins og krakki aftur"

Bestur í Mjólkurbikarnum: Ferðalagið viðbjóður en er enginn sjómaður

Fer yfir leikinn sögulega - „Veit ekki hvað Jói Kalli hefði gert væri hann þarna“

Álitið - Hvað mun koma mest á óvart?

Ægir Jarl ræðir heimkomuna - „Kitlar rosalega að ná að spila“

Gunnar Már: Ætlum okkur stóra hluti í sumar

Arnór Ingvi: Hefðum viljað spila á Meistaravöllum og fá smjörþefinn af því sem koma skal

Óskar Hrafn: Leggst yfir okkur hræðsla sem við höfum ekki fundið fyrir í vetur

Frammistaðan ekki áhyggjuefni - „Skal hundur heita ef það verður skorað flottara mark í sumar“

fim 30. júlí 2020 20:33

Anton Freyr Jónsson

Sveinn Elías um enga áhorfendur: Þetta var stórfurðulegt

Sveinn Elías Jónsson, fyrirliði Þórs.

Mynd: Fótbolti.net - Sævar Geir Sigurjónsson

„Bara svekkjandi. Mér fannst eiginlega ótrúlegt að þetta hafi í raun ekki verið leikur þegar leikurinn var að verða búinn, þá er staðan 3-0 og í raun komið „game over„ á þetta og mér fannst það ótrulegt svona miðað við ganginn í þessum leik," voru fyrstu viðbrögð Sveins Elíasar Jónssonar, fyrirliða Þórs, eftir 3-1 tap í Kaplakrika í dag.

Þór tapaði gegn Pepsi Max-deildarliði í 16-liða úrslitum Mjólkurbikarsins.

Lestu um leikinn: FH 3 - 1 Þór

Þórsararnir voru flottir á vellinum í dag og vendipunktur leiksins var vítaspyrnudómurinn sem Þórsarar fengu á sig þegar klukkutími var liðin af leiknum í stöðunni 1-0 fyrir FH. Hvernig horfði sá dómur við Svenna?

„Nei ég sé það svo sem ekki nákvæmlega. Ég veit að þeir voru að toga í hvorn annan en dómarinn á bara að lesa leikinn betur þarna því Aron er með boltann allan tíman og hvorugur á séns í boltann allan og mér fannst þetta galinn dómur."

Hvert var upplegg Palla fyrir leikinn í dag? „Í raun bara eins og var, það var alla vega ekki að gefa þetta mark eftir 90 sekúndur eða hvað það var."

„Uppleggið var að vera þéttir til baka, duglegir að halda boltanum og þora að vera með hann. Mér fannst við vera lítið með hann fyrstu 10 mínúturnar en eftir það þá fannst mér við eiginlega bara betri út á vellinum og fengum fullt af færum og það var ótrulegt að við jöfnuðum ekki leikinn í stöðunni 1-0. Þessi vítadómur, gjöf að mínu mati, lokar þessu."

Sveinn Elías segir aðstæður með kórónuveirufaraldurinn leiðinlegar og vonar hann að þetta gangi hratt og örugglega yfir og hægt verði að klára mótin hér heima. Engir áhorfendur voru á vellinum í kvöld.

„Það er bara eins og það er, þetta er leiðinlegt. Þekkjum það eins og var í vor en vonandi taka menn bara rétt á hlutunum og þá vonandi gengur þetta hratt og örugglega yfir og menn ná að klára mótin."

„Það var bara stórfurðulegt, ég hafði ekki hugmynd um þetta, keyrði með fjölskyldunni minni hérna í morgun og þau skiluðu mér bara í leikinn og ég hafði ekki hugmynd að þau væru ekki að mæta á völlinn," sagði Svenni léttur að lokum þegar hann var spurður hvernig hafi verið að spila með enga áhorfendur í stúkunni í Kaplakrika.