Atli Jó. var að hetja Stjörnunnar í síðasta Evrópuleik.
Stjarnan tekur á móti pólska liðinu Lech Poznan í forkeppni Evrópudeildarinnar á Samsung-vellinum í kvöld. Leikurinn byrjar klukkan 19:30 en löngu er orðið uppselt á leikinn.
Atli Jóhannsson var hetja Stjörnunnar í síðustu umferð þegar Stjarnan sló út skoska liðið, Motherwell í framlengdum leik.
Atli Jóhannsson var hetja Stjörnunnar í síðustu umferð þegar Stjarnan sló út skoska liðið, Motherwell í framlengdum leik.
,,Þetta er frábært, sólin skín og allt að gerast. Ég veit voða lítið um Lech Poznan. Mér skylst að þeir séu svipaðir á styrkleika og Motherwell og þeir voru mjög góðir. Við förum í þetta einvígi óhræddir og graðir," sagði Atli sem segir markmið liðsins í leiknum í kvöld að ná að halda hreinu og vinna leikinn.
,,Við ætlum að halda okkur við okkar taktík og sækja hratt á þá. Við verðum kannski til að byrja með aðeins að læra inn á þá og reyna gefa ekki tækifæri á okkur og reyna halda hreinu á heimavelli."
,,Ég held að það sé betra að byrja á heimavelli. Það eru örugglega fá lið sem vilja koma hingað á gervigrasið. Það er okkar ætlun að vera ekkert að tapa mörgum stigum hérna heima og við ætlum að reyna vinna þennan leik og fara glaðir inn í Verslunarmannahelgina."
Að lokum var Atli spurður út í það hvort hann hafi náð að sofna eftir síðasta Evrópuleik þar sem hann skoraði eitt af mörkum sumarsins í framlengingu. Mark sem tryggði Stjörnunni áfram í Evrópudeildinni.
,,Ég var lengi að ná mér og allur tilfinningaskalinn fór út um allar trissur. Þetta var frábært og vonandi næ ég að klína inn öðru á morgun með vindi."
Viðtalið í heild sinni er hægt að sjá í sjónvarpinu hér að ofan.
