Rilany í leik með Grindavík.
Rilany Da Silva, leikmaður Grindavíkur í Pepsi-deild kvenna, hefur samið við spænska stórliðið Atletico Madrid. Atletico Madrid er ríkjandi meistari á Spáni og fer í Meistaradeildina næsta vetur.
Atletico Madrid staðfestir þetta á heimasíðu inni í dag.
„Mér líður eins og barni og draumur minn er að rætast," sagði Rilany á heimasíðu Atletico Madrid.
Hin 32 ára gamla Rilany getur spilað á kanti og í bakverði en hún er í brasilíska landsliðinu.
Undanfarin tvö tímabil hefur Rilany verið í stóru hlutverki hjá Grindavík en hún spilaði með liðinu í 1-0 tapi gegn FH í gærkvöldi.
Grindavík er í harðri fallbaráttu í Pepsi-deild kvenna og það er mikil blóðtaka fyrir liðið að missa Rilany.
Athugasemdir
