Arnar Gunnlaugsson þjálfari Víkings
Víkingar fögnuðu sínum fyrsta sigri í Pepsi Max deildinni þetta sumarið þegar liðið tók á móti nýliðum HK á gervigrasinu í Víkinni en lokatölur urðu 2-1 Víkingi í vil. Öll mörk leiksins voru skoruð í fyrri hálfleik en Atli Hrafn Andrason kom heimamönnum yfir eftir um 10 mínútna leik en Ásgeir Marteinsson jafnaði um korteri síðar. Það var síðan Erlingur Agnarsson sem tryggði Víkingum stigin 3 með glæsimarki á 38. mínútu.
Lestu um leikinn: Víkingur R. 2 - 1 HK
„Það er mjög sætt við töluðum um það fyrir leikinn að búa til gryfju búa til smá fortress. Okkur leið allt í lagi í Laugardal en þetta er bara ekki það sama að fá lyktina af þínum búningsklefa og fólkið sem er að vinna hérna það er náttúrulega alltaf best að sofa heima hjá sér," sagði Arnar Gunnlaugsson, þjálfari Víkings, aðspurður hversu sætt væri að sækja fyrsta sigurinn í fyrsta alvöru heimaleiknum í sumar.
Þórður Ingason var ekki með í kvöld vegna meiðsla og í hálfleik gerði Arnar tvær breytingar á liðið Víkings. Voru þær báðar vegna meiðsla?
„Niko var meiddur hann var að ströggla aðeins en með Loga var þetta bara taktiskt. Við þurftum að fá smá reynslu, við erum að spila mikið á svolítið ungum leikmönnum inná milli en Dofri var bara ekki klár í 90 mínútur en við þurftum á hans reynslu og kænsku á að halda.“
Sagði Arnar Gunnlaugsson en allt viðtalið má sjá í spilaranum hér að ofan.
Athugasemdir
