Sölvi Geir Ottesen.
„Þetta var virklega svekkjandi tap. Ég veit ekki hvað ég á að segja. Við vorum dálítið undir í návígunum í þessum leik. Tobias Thomsen var að gera okkur erfitt fyrir og það er erfitt að díla við löngu boltana hjá þeim. Annars fannst mér þetta tiltölulega jöfn barátta í leiknum. Mér fannst þetta detta fyrir þá mörkin sem þeir fá.“ sagði Sölvi Geir Ottesen, þjálfari Víkinga, eftir 3-1 tap á Kópavogsvelli gegn Breiðabliki.
Lestu um leikinn: Breiðablik 3 - 1 Víkingur R.
Var eitthvað í leik Blika sem kom Sölva og Víkingum á óvart í kvöld?
„Nei í raun og veru ekki. Það kom ekkert á óvart í þeirra uppstillingu eða hvernig þeir spiluðu. Við bara díluðum illa við þessa löngu bolta. Hvort sem það var klaufaskapur hjá mér. Ég á eftir að tékka aftur á því að fara í 5 manna vörn og stíga svona hátt á þá. Það voru nokkrir hlutir sem við fórum yfir í hálfleik. Pressan var ekki nógu góð en við lögfærðum það í seinni hálfleik.“
Sölvi segir Blika hafa verið klínískari en Víkingar í dag sem réði úrslitunum að hans mati.
„Ég á eftir að sjá þetta betur en mér fannst þeir á betri degi. Þeir voru klínískari þegar þeir fengu sínar stöður. Við fengum vissulega okkar stöður til að skora mörkin en þeir voru bara klínískari í dag.“
Niko Hansen hefur verið meiddur en hann kemur inn á í dag og bætir sóknarleik Víkinga til muna. Hver er staðan á Niko í dag?
„Hún er bara fín. Hann fékk dead leg í seinasta leik og var pínu aumur og stífur í lærinu, en hann kom inn með mikinn kraft. Hann hefur verið flottur fyrir okkur. Þú veist hvað þú færð frá Niko, hann kveikir svolítið í liðinu sem hann gerði í dag. Mögulega hefði ég átt að setja hann fyrr inn á í dag.“
Hvaða svör fékk Sölvi frá dómurunum þegar hann kvartaði undan þriðja marki Blika þar sem Víkingar vildu brot á Tobias Thomsen?
„Þú færð engin svör frá þeim. Þeir bara lyfta öxlum og segja þér að fara aftur inn í boðvanginn.“
Viðtalið við Sölva má sjá í heild sinni í spilaranum hér að ofan.
Athugasemdir
