Fjölnismenn hafa samið við ungverska varnarmanninn Peter Zachan og mun hann leika með félaginu út tímabilið í Pepsi Max-deildinni.
Zachan er 22 ára gamall hávaxinn varnarmaður en hann á leiki með U21 árs landsliði Ungverja.
Zachan var síðast á mála hjá Paksi SE í úrvalsdeildinni í Ungverjalandi en hann á 30 leiki að baki í efstu deild þar í landi.
Fjölnir er einnig að fá danska kantmanninn Christian Sivebæk frá Viborg eins og greint var frá í gær.
Fjölnismenn eru með eitt stig eftir þrjár umferðir í Pepsi Max-deildinni en næsti leikur liðsins er gegn Fylki á laugardag.
Athugasemdir