Lárus Orri Sigurðsson, fyrrum landsliðsmaður og fyrrum þjálfari Þórs og KF, kallar ekki allt ömmu sína.
Í ljósi þess að æfingar og fótboltaleikir á Íslandi eru komin í Covid-pásu á ný þá skrifaði Lárus Orri færslu á Twitter. Lárus segir fólki að hætta að væla yfir stöðunni.
„Glatað að leikir og æfingar fara á 'hold' en svona er þetta, takist á við þetta og hættið að væla og vorkenna sjálfum ykkur," skrifar Lárus Orri.
Hann vill að mótin verði kláruð þegar hægt er að gera það, jafnvel þó svo að það þýði þrjá leiki á viku eða eitthvað álíka.
„Klárum svo mótin þegar leyfi gefst og ef það þýðir þrír leikir á viku til að geta klárað mótin, þá er það bara að takast á við það og leysa. Lausnir ekki væl."
Sjá einnig:
Engar æfingar í meistaraflokki til 13. ágúst
KSÍ fundar með yfirvöldum eftir helgi
Glatað að leikir og æfingar fara á hold en svona er þetta, takist á við þetta og hættið að væla og vorkenna sjálfum ykkur. Klárum svo mótin þegar leyfi gefst og ef það þýðir 3 leikir á viku til að geta klárað mótin þá er það bara að takast á við það og leysa. Lausnir ekki væl :)
— Lárus Sigurðsson (@larussig) July 31, 2020
Inn í umræðuna, bikarúrslitaleikur KSÍ 1969 fór fram 7 desember og ekki voru aðstæður til knattspyrnuiðkunnar þá eins og þær eru í dag :) Koma svo hugsa í lausnum, ekki flauta neina keppni af.
— Lárus Sigurðsson (@larussig) August 1, 2020
Athugasemdir