Íslenska kvennalandsliðið gerði svekkjandi jafntefli gegn Noregi í Þjóðadeildinni á föstudaginn. Liðið mætir Frakklandi í lokaleiknum á morgun. Fótbolti.net ræddi við Hlín Eiríksdóttir.
„Það var svekkjandi. Við áttum góðan leik, mér fannst við leggja inn þá vinnu sem þarf að gera til að eiga skilið að vinna og með smá heppni hefðum við algjörlega getað tekið með okkur þrjú stig," sagði Hlín.
Liðið spilar gegn Frakklandi á Laugardalsvelli en það er búið að leggja nýtt hybrid gras á völlinn.
„Svo ég tali fyrir mig þá leggst það mjög vel í mig. Við erum búnar að kíkja á völlinn og grasið lítur ekkert eðlilega vel út. Það verður vonandi stemning hérna á þriðjudaginn og það væri gaman að sjá fólk í stúkunni," sagði Hlín.
Liðið er staðráðið í að vinna ógnarsterkt lið Frakka.
„Það væri skrítið ef ég stæði hérna í viðtali og segði að við ættum ekki möguleika. Þá held ég að við gætum sleppt því að spila leikinn. Við þurfum að bera virðingu fyrir verkefninu, þær eru held ég búnar að vinna riðilinn sannfærandi. Við þurfum að bera virðingu fyrir þeim en ekki of mikla," sagði Hlín.
Athugasemdir
