Augnablik tók á móti ÍH í eina leik gærkvöldsins í 3. deildinni og slátruðu heimamenn andstæðingum sínum úr Hafnarfirði.

Halldór Atli Kristjánsson og Hallmundur Víðir Eyjólfsson skoruðu sitthvort markið snemma leiks til að taka forystuna fyrir Augnablik en svo lét Aron Skúli Brynjarsson til skarar skríða.

Aron Skúli gerði sér lítið fyrir og skoraði fernu á 15 mínútna kafla til að gera endanlega út um viðureignina.

Staðan var því 6-0 í leikhlé og bættu heimamenn þremur mörkum við í síðari hálfleik. Hákon Logi Arngrímsson, Júlíus Óli Stefánsson og Orri Bjarkason skoruðu allir svo lokatölur urðu 9-0.

Augnablik er með þriggja stiga forystu á toppi deildarinnar en Magni og Hvíti riddarinn fylgja hratt á eftir.

ÍH vermir botnsætið með 4 stig eftir 15 umferðir.

Augnablik Darri Bergmann Gylfason (59') (m), Arnór Daði Gunnarsson, Brynjar Óli Bjarnason (54'), Aron Skúli Brynjarsson (54'), Hákon Logi Arngrímsson, Halldór Atli Kristjánsson (66'), Róbert Laufdal Arnarsson, Hallmundur Víðir Eyjólfsson, Orri Bjarkason, Eysteinn Þorri Björgvinsson (66'), Júlíus Óli Stefánsson
Varamenn Andri Már Strange, Alexander Sævarsson (54'), Elmar Daði Ívarsson (54'), Freyr Snorrason (66'), Mikael Logi Hallsson (66'), Jakub Buraczewski (59') (m)

ÍH Jón Arnar Hjálmarsson (m), Ragnar Halldór Bogason, Brynjar Ásgeir Guðmundsson, Magnús Fannar Magnússon (68'), Kjartan Þór Þórisson, Ásgeir Marinó Baldvinsson, Birkir Jósefsson Linnet, Ásgeir Bent Ómarsson, Óskar Elí Fróðason (73'), Ragnar Darri Daðason, Pétur Ingi Þorsteinsson
Varamenn Aron Freyr Tómasson (68), Jakub Jan Mazur, Styrmir Ási Kaiser (73), Ernir Darri Örvarsson, Benedikt Einar Gunnlaugsson