Napoli tilkynnti það um helgina að serbneski markvörðurinn Vanja Milinkovic-Savic er kominn til félagsins.
Hann kemur á lánssamningi frá Torino með kaupskyldu og enda Ítalíumeistararnir á því að borga um 20 milljónir evra fyrir félagaskiptin, þar sem markvörðurinn var aðeins með eitt ár eftir af samningi og hafði engan áhuga á að framlengja.
Milinkovic-Savic, yngri bróðir Sergej Milinkovic-Savic, er 28 ára gamall og mun berjast við Alex Meret um markmannsstöðuna.
Milinkovic-Savic hefur verið aðalmarkvörður hjá Torino síðustu fjögur ár og var meðal annars orðaður við Manchester United í sumar.
Napoli hefur verið duglegt að fá inn nýja leikmenn í sumar og gæti bakvörðurinn Juanlu Sánchez verið næstur inn.
Sevilla vill fá 20 milljónir evra fyrir en síðasta tilboð Napoli hljóðaði upp á 15 milljónir og hlutfalli af endursöluvirði.
Juanlu verður 22 ára í ágúst og er hægri bakvörður að upplagi en getur einnig spilað á hægri kanti og miðri miðjunni.
Hann hefur verið mikilvægur hlekkur upp yngri landslið Spánar og vann Ólympíuleikana með U23 liðinu í fyrra. Hann á í heildina 25 leiki að baki fyrir yngri landsliðin, flesta fyrir U21 og U19.
Vanja is proud to be one of us! ?
— Official SSC Napoli (@en_sscnapoli) July 26, 2025
???? #ProudToBeNapoli | #ForzaNapoliSempre | #WelcomeVanja pic.twitter.com/oTdaXzlE07
Athugasemdir
