Fótbolti.net

Heimsóknin - KFA og Höttur/Huginn

Þjálfari Silkeborg: Dáist að aganum í leik KA

Fyrirliði Silkeborg: Kom mér smá á óvart að þeir æfa ekki eins og atvinnumannalið

Haddi Jónasar: Það er komin alvöru pressa á þá

Langþráður draumur KA manna rætist á morgun - „Loksins erum við komnir heim; upp á Brekku"

Gísli Gotti: Maður upplifir ekki oft svona leiki en þetta var ekkert eðlilega gaman

Bjarni Jó: Er það ekki svona sem við viljum hafa þetta?

Alli Jó: Ekki skemmtilegur leikur fyrir hlutlausan

Gabríel Aron: Það er mín upplifun

Gabríel Snær: Þeir segja að það sé algjört rugl að fara þangað

Jóhann Birnir: Vorum ekki upp á okkar besta í dag

Gunnar Már: Hrein og klár vonbrigði

Dóri um næsta verkefni - „Andstæðingur sem við getum slegið út á mjög góðum degi"

Sagan endurtekur sig vonandi ekki: „Gömlu karlarnir í gæslunni ná að hafa stjórn á þeim“

FH skrifaði söguna - „Það verður bara veisla á Laugardalsvelli"

„Svolítið bras á okkur í fyrri hálfleik"

Venni: Þetta veðmál gékk upp í dag

Arnar: Maður getur ekki verið vondur þegar menn eru að reyna að gera réttu hluti

Gústi Gylfa: Á meðan við skorum ekki mörk þá endar þetta á verstan veg

Gunnar Heiðar: Litum við bara mjög vel út og mörkin frábær

mið 30. júlí 2025 23:50

Sæbjörn Þór Þórbergsson Steinke
Akureyri

Langþráður draumur KA manna rætist á morgun - „Loksins erum við komnir heim; upp á Brekku"

Mun leiða KA menn inn á Greifavöllinn á morgun.

Mynd: Fótbolti.net - Hafliði Breiðfjörð

Mynd: Fótbolti.net - Sævar Geir Sigurjónsson

„Þetta leggst rosalega vel í mig, ótrúlega gott að geta spilað þennan leik á heimavelli; á Greifavellinum. Það er búin að vera rosalega sjálfoðaliðavinna í kringum þetta, búið að girða stúkuna og alveg endalaust af litlum hlutum sem þurftu að gagna upp svo við gætum spilað hérna. Endalausar þakkir til þeirra sem eiga það skilið," segir Ívar Örn Árnason, fyrirliði KA, við Fótbolta.net í dag.

Á morgun, klukkan 18:00, tekur KA á móti Silkeborg í seinni leik liðanna í 2. umferð forkeppninnar í Sambandsdeildinni. KA fékk undanþágu frá UEFA til að spila leikinn á Greifavellinum, sínum heimavelli. KA átti flottan leik í Danmörku og uppskar jöfnunarmark seint í leiknum. Staðan í einvíginu er 1-1 eftir fyrri leikinn í Silkeborg.

„Leikurinn sjálfur er ógeðslega spennandi, við fórum til Danmerkur og sóttum mjög góð úrslit. Það var alltaf markmiðið að geta gefið þeim leik hérna á heimavelli, ég er rosa spenntur."

„Úlfársdárdalurinn (þar sem KA spilaði fyrstu tvo heimaleiki sína 2023 þegar liðið var í Evrópu) gaf okkur heilan helling, en þetta er auka, líka fyrir okkar fólk; að geta komið í bakgarðinn sinn og horft á leik í staðinn fyrir að flykkjast suður. Þetta þýðir ógeðslega mikið, við æfum hérna á hverjum einasta degi, þekkjum þennan völl inn og út, ég held að við græðum bara a því að hafa þennan leik hér."

„Að leiða liðið inn á okkar völl verður bara æðislegt, fæ bara gæsahúð að hugsa um þetta, þetta er búinn að vera langþráður draumur og loksins erum við komnir heim; upp á Brekku. Þetta er vonandi fyrsti Evrópuleikurinn sem verður haldinn hér af mörgum í komandi framtíð," segir fyrirliðinn.

„Þetta verður æðislegt í alla staða, held það séu allir spenntir, maður þarf ekkert að halda einhverja pepp ræðu fyrir svona leik, þetta segir sig sjálft í raun."

Ef KA tekst að leggja Silkeborg að velli þá mæta Norðanmenn annað hvort Novi Pazar frá Serbíu eða Jagiellonia frá Póllandi í næstu umferð. Jagiellonia leiðir það einvígi 2-1 eftir leikinn í Serbíu.

Viðtalið við Ívar má nálgast í heild sinni í spilaranum efst.