HK hefur styrkt sig fyrir komandi tímabil í 1. deild kvenna. Hin efnilega Mist Funadóttir er gengin í raðir félagsins á láni frá Þrótti Reykjavík.
Mist er fædd árið 2003 og þykir gríðarlega efnileg.
Þrótti var spáð sjötta sæti í Pepsi Max-deild kvenna í sumar en í umfjöllun um liðið talaði Jóhann Kristinn Gunnarsson, sérfræðingur Fótbolta.net, um Mist sem leikmann sem ætti að fylgjast með í sumar.
„Hin fljóta og efnilega Mist Funadóttir er fædd 2003 og á eftir að vekja athygli í sumar," sagði Jóhann Kristinn.
Mist mun fá reynslu í 1. deildinni í sumar en þar eru HK nýliðar. Hún spilaði sinn fyrsta leik fyrir HK í 2-0 tapi gegn KR í Mjólkurbikarnum á laugardag.
Athugasemdir
