Á meðan segist Pep Guardiola, kollegi hans hjá Manchester City, ekki þurfa nýja leikmenn þrátt fyrir vandræði í vörninni hjá City.

Spurður að því hvort ummæli Guardiola kæmu á óvart, sagði Klopp á blaðamannafundi: „Ég er ekki hér til að tala um félagaskiptaglugga Man City."

„Ég er bara að heyra um þetta í fyrsta sinn núna. Kemur þetta mér á óvart? Nei, en það skiptir ekki máli."

Liverpool er á toppi ensku úrvalsdeildarinnar með 11 stigum meira en Man City eins og staðan er núna.

„Við höfum ekki rætt janúargluggann. Við erum alltaf tilbúnir samt og ef við getum gert eitthvað sem hjálpar okkur, þá munum við reyna að gera það."

Klopp er ósáttur með það hvernig sumarglugginn á Englandi virkar. Sumarglugginn á Englandi lokar fyrr en annars staðar í Evrópu. „Það eyðileggur bara fyrir enskum félögum," sagði Klopp.

Liverpool á leik annað kvöld gegn nágrönnum sínum í Everton.

Sjá einnig:
Klopp: Hefði verið rétt að Van Dijk fengi Ballon d'Or