03.12.22 - 14:22
Jóhann Þór Hólmgrímsson
Pele í líknarmeðferð á spítala í Brasilíu
Mynd: Getty Images
Mynd: Getty Images
Brasilíska goðsögnin Pele var lagður inn á spítala á dögunum og hann hefur verið í lyfjameðferð gegn ristilkrabbameini.
Brasilískir fjölmiðlar greina frá því að allt hefur farið á versta veg og meðferðin ekki gengið sem skyldi. Hann sé því kominn í líknarmeðferð.
Síðustu dagar hafa verið mikill rússíbani fyrir hinn 82 ára gamla Pele en hann leitaði sér hjálpar á þriðjudaginn vegna hjartavandamála en greindi svo frá því á fimmtudaginn að hann væri á batavegi.
Fyrrum félagið hans í Brasilíu, Santos, hefur sent honum kveðju á Twitter ásamt franska landsliðsmanninum Kylian Mbappe.
Pray for the King 👑🙏🏽🇧🇷 @Pele
— Kylian Mbappé (@KMbappe) December 3, 2022
