Marc Guehi gulltryggði sigur Man CIty á Salford
Manchester City jafnaði ótrúlegt met Clapham Rovers frá 1881 er liðið vann Salford 2-0 í 4. umferð enska bikarsins í gær.
Sjálfsmark Alfie Dorrington og fyrsta mark Marc Guehi fyrir Man City var það sem réði úrslitum á Etihad.
Þetta var sautjándi sigurleikur Man City á heimavelli í röð í bikarnum og tókst City-mönnum þar með að jafna met Clapham Rovers sem vann sautján heimaleiki í röð frá desember 1873 til febrúar 1881.
Clapham Rovers var sigursælt lið undir lok nítjándu aldar og vann enska bikarinn árið 1880. Árið áður komst liðið í úrslit, en félagið var lagt niður árið 1914 í kringum fyrri heimsstyrjöldina.
Man CIty á möguleika á því að eigna sér metið en það veltur allt á því hvort það muni fá heimaleik í næstu tveimur umferðum.
They've equalled the record set by Clapham Rovers between December 1873 and February 1881! ???? pic.twitter.com/5xPObsc5MV
— Match of the Day (@BBCMOTD) February 14, 2026
Athugasemdir
