Þýski markvörðurinn Manuel Neuer verður ekki með Bayern München næstu vikur eftir að hafa rifið vöðva í kálfa í 3-0 sigri liðsins á Werder Bremen um helgina.
Neuer, sem er 39 ára gamall, á yfir 900 leiki á ferlinum en hann er samningsbundinn Bayern út þessa leiktíð.
Hann er enn mikilvægur í liði Bæjara og gegnir hlutverki fyrirliða. Það er því mikil blóðtaka fyrir liðið að missa hann á þessum tímapunkti tímabilsins.
Félagið hefur sent frá sér tilkynningu varðandi meiðsli Neuer en hann reif vöðva í kálfa og mun hann því missa af næstu leikjum liðsins.
Bayern á erfiða dagskrá fram undan í þýsku deildinni og á þá tvo leiki í 16-liða úrslitum Meistaradeildarinnar í næsta mánuði.
Hinn 22 ára gamli Jonas Urbig kom inn á í stað Neuer gegn Bremen og mun líklega verja mark liðsins í næstu leikjum. Sven Ulreich verður honum til halds og trausts.
?? Manuel Neuer fällt vorerst aus
— FC Bayern München (@FCBayern) February 15, 2026
Manuel Neuer hat sich beim gestrigen Bundesliga-Auswärtsspiel gegen den SV Werder Bremen einen Faserriss in der linken Wade zugezogen.
???? https://t.co/uky44o3PJw
Gute Besserung, Manu! ???? pic.twitter.com/AZn4TtAfL3
Athugasemdir
