Heimir Hallgrímsson.
Fótbolti.net ræddi við Heimi Hallgrímsson aðstoðarlandsliðsþjáfara fyrir æfinguna í dag en Heimir fór út og sá Slóvena vinna Tyrki 2-0 í æfingaleik um síðustu helgi. Þó Slóvenarnir séu úr leik í baráttunni í riðlinum má búast við því að þeir mæti öflugir gegn Íslandi á föstudag.
„Þeir voru mjög seigir. Þeir gallar sem við fundum á þeim fyrir leikinn úti, þeir hafa greinilega séð þá líka og eru búnir að vinna í því að útiloka sína galla. Við verðum að finna nýjar leiðir í gegnum þá," sagði Heimir.
„Þessi leikur við Tyrki var vináttuleikur en þeir voru þrátt fyrir það mjög grimmir og fastir fyrir. Þeir voru grófir í rauninni. Við vitum því alveg við hverju má búast á föstudaginn. Ég er alveg pottþéttur á því að þeir muni hirða fleiri stig það sem eftir er af þessum riðli."
Æfing íslenska liðsins í dag fór fram í Kórnum en upphaflega átti hún að vera á Laugardalsvelli en var færð vegna veðuraðstæðna.
„Þetta er skynsamlegt, það er taktísk æfing í dag og það heyrist ekkert þegar verið er að garga í þessu roki," sagði Heimir en viðtalið má sjá í heild i sjónvarpinu hér að ofan.
