Aron Bjarnason, leikmaður Breiðabliks, er á leið til Ungverjalands þar sem hann mun fara í viðræður við Ujpest. Breiðablik samþykkti í gær tilboð Ujpest í kantmanninn knáa.
Ujpest er frá Búdapest en liðið endaði í 5. sæti í ungversku úrvalsdeildinni á síðasta tímabili.
Ujpest er frá Búdapest en liðið endaði í 5. sæti í ungversku úrvalsdeildinni á síðasta tímabili.
Í febrúar síðastliðnum samdi Ujpest við framherjann Lacina Traore en hann er einn af hávöxnustu atvinnumönnum sögunnar. Traore er 203 cm á hæð.
Hinn 29 ára gamli Traore var á láni hjá Everton árið 2014 og varð um leið hávaxnasti leikmaðurinn í sögu ensku úrvalsdeildarinnar.
Á ferli sínum hefur hann einnig leikið með félögum eins og Mónakó, CSKA Moskvu og Sporting Gijon.
Traore skoraði þrjú mörk í níu leikjum með Ujpest á síðasta tímabili og spennandi verður að sjá samvinnu hans og Arons í Ungverjalandi.
Athugasemdir