Lestu um leikinn: Ísland 1 -  1 Tékkland

Jafntefli kom okkur ekki í umspil og niðurstaðan vonbrigði
"Já en við náðum aldrei upp rythma í þessum leik en já þetta er hundfúlt."

Hefuru einhverja skýringu á því afhverju þið komist aldrei almennilega í gang?
"Nei mér fannst við ofsalega slitnar og útum allt. Vorum ekki í þessu saman, allar út um allt. Ég hef ekki skýringu á því núna"

Stress í hópnum þegar það er svona rosalega mikið undir?
" Nei eða ég fann það ekki. Mér fannst við vera allar tilbúnar í þetta og við vissum alveg að við þyrftum að vinna þannig að við vissum nákvæmlega hvað við værum að fara út í og hvernig þær myndu spila. Þannig að nei, þetta átti ekki að koma okkur á óvart. Ég veit ekki hvað klikkaði".

Þetta var slagur. Þær eru fastar fyrir og kunna öll trixin í bókinni. Urðu þið pirraðar of snemma?
"Já mögulega en við vorum samt að reyna. Þetta var bara einn af þessum dögum. Við náðum engum rythma í okkar leik þannig að það einhvernveginn fór sem fór".

Eftir rosalega rólegan seinni hálfleik kemur dramatík síðustu fimm. Hvernig tilfinningar fóru um skrokkinn þá? "Bara hvaða rugl er í gangi hérna. Bara svolítið svoleiðis. Svona er þetta því miður"

HM draumurinn er úti. Hvaða áhrif hefur það á landsliðið okkar?
"Það er bara næsta verkefni. Það er eiginlega bara svoleiðis. Bara búið núna og maður fær að vera svekktur í einhverja daga".

Nánar er rætt við Fanndísi í spilaranum hér að ofan.