Mikið hefur verið rætt um framtíð Lionel Messi og ágreining hans við stjórn Barcelona.
Í dag kom í ljós að Messi verður áfram hjá Börsungum út leiktíðina en hann virðist allt annað en sáttur með hegðun félagsins gagnvart sér.
Hann gaf viðtal við Goal í dag og skýrði þar stöðu mála. Hann talaði illa um stjórn Barcelona en tjáði einnig ást sína á félaginu sjálfu og stuðningsmönnunum sem hafa stutt við bakið á honum í næstum tvo áratugi.
Twitter aðgangur FC Barcelona vitnaði í viðtalið við Goal og skrifaði upp einn af fáum pörtum þar sem Messi lofsamar félagið sitt.
„Ég mun gefa allt í þetta. Ást mín á Barca mun aldrei breytast," segir í tísti FC Barcelona, sem hefur vakið mikil viðbrögð.
Messi vildi ólmur ganga í raðir Manchester City fyrir komandi leiktíð og mun líklega skipta yfir í enska boltann næsta sumar.
💙❤️ Leo #Messi: “I will give it my all. My love for Barça will never change.” pic.twitter.com/xBh29dTqpr
— FC Barcelona (@FCBarcelona) September 4, 2020
Sjá einnig:
Messi verður áfram hjá Barcelona (Staðfest)
Faðir Messi reiður: Segir að hann eigi að fara frítt frá Barcelona
Athugasemdir